O traballo das mariscadoras require un equipamento especializado adaptado ás duras condicións do medio mariño. O traxe de augas é imprescindible para manter os pés secos, ao tempo que botan moitas horas metidas no mar con temperaturas xélidas no inverno. As botas de auga proporcionan protección e agarre nas superficies húmidas e irregular dos areais. O angazo, unha especie de rastrillo que permite escarvar na area para localizar o marisco, é unha ferramenta esencial transmitida de xeración en xeración. O sacho complementa o traballo, permitindo escavar con precisión. Todo o marisco recollido almacénase no saco, que a mariscadora leva consigo durante toda a xornada de traballo.

As mariscadoras enfróntanse a duras condicións de traballo. Patoloxías profesionais como lumbalxia, artrose, tendinites e cistites son cousas que teñen que convivir sen moitas veces poder ser motivo de baixa. Son necesarios unha serie de cambios para que o sector poida afrontar o futuro con optimismo. Os desafíos actuais para as mariscadoras son múltiples: o cambio climático está a provocar ondas de calor e alteracións nos patróns de chuvia, en anos de riadas a mortalidade é masiva pola baixada da salinidade, e existe unha crise de relevo xeracional, xa que só o 1% das mariscadoras teñen menos de 30 anos. Ademais, nos últimos anos prodúcese un descenso drástico de capturas.